‘साङ्लो’मा काम गर्नुअघि म डिप्रेसनमा थिएँ: निकिता चण्डक

काठमाडौं:पूर्वमिस नेपाल निकिता चाण्डक सन् २०१७ मा ‘मिस नेपाल’ को उपाधि जितेपछि एकाएक चर्चित बनिन् । सानै देखि मोडलिङ क्षेत्रमा आउने उनको सपनालाई मिस नेपालको प्लेटफर्मले काम गर्‍यो । मिस नेपाल भएपछि चर्चामा रहेकी निकिताले फिल्म ‘रानीमहल’ बाट फिल्म क्षेत्रमा डेब्यु गरिन् । उक्त फिल्मबाट निकिता उत्तिकै आशावादी पनि थिइन् ।

तर, फिल्म पूरा नहुँदै निर्माण टिममा लफडा भएपछि बाँकी काम रोकियो। फिल्म पूर्ण हुन नसकेपछि निकिताको विश्वास पनि उड्यो । ‘यो फिल्मबाट मैले धेरै आशा गरेकी थिएँ, फिल्मनै नबने पछि मलाई धेरै चोट पुग्यो’ निकिताले कुराकानीमा भनिन्, ‘साङ्लो फिल्मभन्दा अघिको समय मलाई साँच्चिकै गाह्रो भएको थियो ।’ पहिलो फिल्ममा नै रिलिज नहुँदा आफूलाई निकै चोट पुगेको निकिताले बताइन् ।

उनले आफू त्यो बेला ‘डिप्रेसन’ मा पुगेको पनि बताइन् । ‘मैले मेहनत पनि उत्तिकै गरिरहेकी थिएँ, त्यो मेहनतको आउट पुट कस्तो आउला भन्ने सोचेकी थिएँ,तर फिल्म नै नबन्ने भयो, त्यो बेला म निकै हर्ट भएकी थिएँ,’ उनले भनिन्। केही महिना पीडा खेपे पछि आफू मनोविदकहाँ पुगेको र मनोविदले शर्ट टम डिप्रेसन (छोटो समयका लागि डिप्रेसन) भएको बताएको उनले खुलाइन् ।

‘मेडिटेसनपछि आफै ठीक हुन्छ भन्नुभएको थियो, साङ्लो फिल्मपछि भने काममा व्यस्त हुँदा त्यो कुरा मैले भुलेँ,’ उनले थपिन् । ‘साङ्लो’ बाट पनि उनी आशावादी छिन् । तर, धेरै ठूलो आशा पनि गरेकी छैनिन् । किनकि फेरि उनलाई पुन: पीडा खेप्नु छैन । ‘मलाई विराज (भट्ट) दाइले साङ्लोमा पहिले अफर गर्दा रिजेक्ट गर्न खोजेको कारण पनि त्यही थियो, बरु म अझै सिकेर तया रीका साथ फेरि यो क्षेत्रमा आउन चाहन्थेँ,’ निकिताले सुना इन्, ‘अहिले भने मलाई यो जस्तो राम्रो डेब्यु फिल्म अरु हुन सक्दैन थ्यो कि भन्ने लाग्छ ।’

निकिताले अहिले आफूलाई ‘साङ्लो’ लाई डेब्यु फिल्म भन्न रुचाउँछिन् । यो फिल्ममा उनी एक साधारण युवतीको भूमिकामा छिन् । विराज भट्टको पनि शीर्ष भूमिका रहेको यो फिल्ममा निर्देशन पनि भट्टकै छ। पछिल्लो समय चर्चामा रहेको यो फिल्म यही शुक्र वार अर्थात् माघ २४ गतेदेखि प्रदर्शनमा आउँदैछ । खबरहबवाट

प्रतिक्रिया दिनुहोस्