मेयरले लिए टेबलमै चढेर सलामी

काठमाडौं : बाग्लुङको जैमिनी नगरपालिकामा प्रथम नगर स्तरीय राष्ट्रपति रनिङ सिल्ड प्रतियोगिता २०७६ को उद्घाटन समारोह थियो । समारोहका प्रमुख अतिथि थिए मेयर इन्द्रराज पौडे ल। बिहान १० बजेनै मेयर पौडेल प्रतियोगिता स्थल मा पुगे। त्यतिञ्जेल त्यहाँ उद्घाटन समारोहको तयारी हुँदै थियो। आयोजकले प्रतियोगिताबारे र उद्घाटनको शैलीबारे मेयरलाई जानकारी गराइरहेका थिए।

त्यतिकैमा एकलाम विद्यार्थी मार्च पासगर्दै मेयरतिर लम्किँदै आए। प्रतियोगितामा भाग लिने खेलाडी पनि लाम लागे। खेलाडीहरु प्रमुख अतिथिलाई सलामी दिने तर्खरमा थिए। त्यसपछि प्रमुख अतिथिले पनि खेलाडीलाई सलामी फर्काउनुपर्छ भन्ने कुरा आयो। त्यतिञ्जेल मेयर पौडेलको खुट्टा जमिनमै थियो। जिल्लाबाट आमन्त्रित खेल रेफ्री र प्रशिक्षकले खेलाडीलाई जमिनमा टेकेर सलामी फर्काउन नमिल्ने कुरा राखे।

त्यसो गर्दा खेलाडीहरुको अपमान हुने प्रशिक्षहरुले तर्क राखेको मेयर इन्द्रराज पौडेलले भने। ‘सुरुमा त मैले भुँइमै एउटा कपडा बिछ्याएर गरौं भने तर फेरि उहाँहरुले अलिक उचाइ मै चढ्नु पर्छ भनेपछि म टेबलमा चढेको हुँ,’ उनले भने । मेयर पौडेलले टेबु लमा उभिएर खेलाडीहरुलाई सलामी फर्काए। रेफ्रीहरुको कुरा मान्दा सामाजिक सञ्जालमा त्यसको गलत अर्थ लागेको भन्दै उनले आगामी दिनमा यस्तो कुरामा आफू सचेत हुने बताए। ‘फेरि यस्तो परिस्थिति आयो भने बरु जमिनमै टेक्छु तर टेबलमा चढ्दिनँ’ उन ले भने।

प्रतिक्रिया दिनुहोस्