का’लाेबजारीलाई का’रबाही, विदेशबाट मेसिन ल्याउने तयारी

मुकुन्द गैरे, काठमाडौं । सरकारले मास्क अभाव हुन नदिन विदेशबाट मेसिन नै ल्याएर उत्पादन गर्ने तयारी गरेको छ । साथै बजार अनुगमन तीब्र पार्दै कालाबजारी गर्ने माथि कारबाही शुरू गरेकाे छ। कोरोना भाईरसको संक्रमण हुने खत रालाई बिचार गर्दै भारतबाट मेसिन ल्याएर उत्पादन गर्ने बिषयमा नेपाल चेम्बर अफ कमर्ससँग छलफल अगाडि बढाएको वाणिज्य, आपूर्ति तथा उपभोक्ता संरक्षण विभागका महानिर्देशक नेत्रप्रसाद सुवेदीले जानकारी दिनुभयो ।

नेपालमा मास्क उत्पादन गर्दै आएका उद्योगीहरु सँग पनि छलफल चलिरहेको उहाँले जानकारी दिनुभयो। साथै भारतको कोलकाटामा रोकिएका मास्क नेपालमा ल्याउने विषयमा पनि छलफल भईरहेको महानिर्देशक सुवेदीले बताउनु भयो। बजारमा भएको मास्कलाई कालोबजारी हुन नदिन बिभागले तीव्र रुपमा अनुगमन प्रभावकारी रुपमा गरिरहेको सुवेदीले जानकारी दिनुभयो ।

बजार अनुगमनको क्रममा हिजो मात्रै मास्क लुकाएर राखेका केही पसललाई का’रवाही गरेको समेत उहाँले बताउनु भयो । नेपाल चेम्बर अफ कमर्सका अध्यक्ष राजेश काजी श्रेष्ठले बजारमा मास्क अभाव हुन नदिन वाहिरबाट मेसिन खरिद गरेर ल्याएर मास्क उत्पा दन गर्ने विषयमा सरकार सँग छलफल भएको बताउनु भयो । मेसिन ल्याउने विषयमा विभिन्न देशहरुसँग कुरा चलिरहेको जानकारी दिदै छिटटै मेसिन ल्याउने स्पष्ट पार्नुभयो ।

यता नेपाल औषधि व्यवसायी संघका अध्यक्ष मृगेन्द्रमेहर श्रेष्ठले नेपालमा भएका मास्क चीनतर्फ निर्यात भएको कारण नेपालमा मास्क अभाव हुन थालेको बताउनु हुन्छ। नेपालमा भएका मास्क व्यापारीले लुकाएर राख्नेगरेको कारण अभाव जस्तो देखिन थालेको अध्यक्ष श्रेष्ठ बताउनु हुन्छ । मास्क अभाव हुन नदिने विषयमा सरकार सँग छलफल भईरहेको जानकारी दिदै व्यवसायीले मेसिन ल्याएर मास्क उत्पादन गर्ने विषयमा पनि छलफल भईरहेको उहाँले जानकारी दिनु भयो ।

नेपालमा पेपर मास्क उत्पादन गर्ने उद्योगको संख्या दुई वटा मात्र भएको आफूले जानकारी पाएको बताउँदै साथै यी उद्योगमा पनि कच्चा प्रदार्थ अभाव हुन थालेको सुन्न आएको अध्यक्ष श्रेष्ठको भनाई छ। नेपालमा कोरोना भाईरसको संक्रमण चर्चा दैनिक रुपमा हुन थाले सँगै दैनिक ४० देखि ५० हजारको हारा हारीमा मास्क खपत हुने गरेको उहाँको अनुमान छ । साथै व्यवसायीलाई अन्य मुलुकबाट मास्क आर्यात गर्न सरकारले सहजी करण गरिदिन समेत आवश्यक रहेको औषधि व्यवसायी संघका अध्यक्ष श्रेष्ठ बताउनु हुन्छ।

प्रतिक्रिया दिनुहोस्