नेपालमा रेल चलाउन कम्तीमा १० पास अनिवार्य हुनुपर्ने।

काठमाडौं। नेपालमा चार पांग्रे सवारी चालक अनुमति पत्र लिने व्यक्तिको शैक्षिक योग्यता एसईई वा सो सरहको हुनु पर्ने भन्दै आवाज उठि रहेका बेला रेल्वे सेवा सञ्‍चालनका लागि ल्याइएको विधेयकमा रेल चालक र सह-चालकको शैक्षिक योग्यता तोकिएको छ।

हाल राष्ट्रिय सभामा दर्ता भई छलफलमा रहेको रेल्वे सम्बन्धमा व्यवस्था गर्न बनेको विधेयकमा रेल चालक र सहचालकको शैक्षिक योग्यता कम्तीमा माध्यामिक तह ‘दश जोड दुई’ वा सोसरह उत्तीर्ण गरेको हुनुपर्ने उल्लेख छ। विधेयकको दफा २३ उपदफा १ को ‘क’ मा कम्तीमा माध्यमिक तह ‘दश जोड दुई’ वा सो सरह उत्तीर्ण गरेको हुनुपर्ने उल्लेख छ।

त्यस्तै नेपाल रेल्वे बोर्डबाट मान्यताप्राप्त प्रशिक्षण संस्थाबाट रेल चालउन योग्य भएको प्रमाणपत्र प्राप्त गरेको हुनुपर्ने छ। रेल चालकको हकमा कम्तीमा पाँच बर्ष सह-चालकका रुपमा काम गरेको योग्यता तोकिएको छ।रेल चालकको हकमा २५ बर्ष र सहचालकको हकमा २० बर्ष उमेर नपुगेको र पचास बर्ष उमेर पूरा भएको व्यक्तिले पनि अनुमतिपत्र प्राप्त गर्न सक्ने छैनन्, यो खबर नेपाल समाचारपत्र दैनिकले छापेकाे छ।

नेपालमा चार पांग्रे सवारी चालक अनुमतिपत्र लिने व्यक्तिको शैक्षिक योग्यता एसइइ वा सो सरहको हुनु पर्ने भन्दै आवाज उठिरहेको बेला रेल्वे सेवा सञ्चालनका लागि नेपाल रेल्वे ‘बोर्डबाट मान्यता प्राप्त प्रशिक्षण संस्थाबाट रेल चलाउन योग्य भएको प्रमाणपत्र प्राप्त गरेको, रेल चालकको हकमा कम्तीमा पाँच वर्ष सहचालकको रुपमा काम गरेको योग्यता तोकिएको छ।

प्रतिक्रिया दिनुहोस्