‘चिटिक्क’ देखिन थालेका राजधानीका सडक ! (तस्बिर सहित)

काठमाडौं : सडक डिभिजन कार्यलयले लकडाउनका समयमा काठमाडौका विभिन्न स्थानका सडककाे सौन्दर्यिकरणकाे काम गरिरहेको छ । दैनिक लाखौंको संख्या सवारीसाधन आवतजावत गर्ने काठमाडौका मुख्य सडक लकडाउनका कारण सुनसान छन् भने यहि मौकामा डिभिजन कार्यालयले जेब्रा क्रसीङ, राेड र लेन मार्किङकाे काम गरिरहेकाे छ ।

अहिले सवारि साधनकाे चापबाट सडकले मुक्ति पाएकाे छ । त्यस्तै सडकहरु उज्याला र चम्किला देखिन थालेका छन् । सरकारले को;रोना संक्रमण रोकथामका लागि पहिलाे पटक चैत्र ११ गते एक साताका लागि लकडाउन जारी गरेकाे थियाे । सोही समय देखी सडकमा थोरै जनशक्ति परिचालन गरेर गर्न सकिने काम गरिरहेको कार्यालयका प्रमुख कुबेर नेपालीले जानकारी दिए ।

पहिलो लकडाउनकाे समय सकिए पछि सरकारले पुनः रुपमा साता दिनको लागि लकडाउन घाेषाणा गरेको छ । लक डाउनका बेला सडकमा अत्यावश्यक बाहेक अन्य सवारी सञ्चालन गर्नेलाई महानगरीय ट्राफिक प्रहरी महाशाखाले का’रबाही गरिरहेको छ । यता डिभिजन कार्यालयले भने कार्यालय मातहत पर्ने सडकमा रेखाको काम तिब्र गतिमा भइरहेको नेपालीले बताए ।

लकडाउनका समयमा करिब २ किलो मीटर सडकमा राेड मार्किङको काम गरेको डिभिजन कार्यालयका नेपालीको भनाइ छ । ‘१० स्थानमा जेब्रा क्रसीङ बनायौं’ भने, ‘कोरोना भाइरसका कारण समुहमा काम गर्न नमिल्ने भएर कालो पत्रेको काम स्थगित छ ।’

उनका अनुसार बालुवाटार , महाराजगन्ज , थापाथली , माइतीघर क्षेत्रमा जेब्रा क्रसीङ गरेको र त्यसको दायाँ बायाँको सडक मार्किङ गरिएका छन् । देशमा लकडाउन हुनु अघि कार्यालयले काठमाडौंको स्रोहखुट्टे- बालाजु र ललितपुरको पुल्चोक लगायत उपत्यका भित्रका खाल्डा पुर्ने र ओभर ले को काम भइरहेको थियो ।

प्रतिक्रिया दिनुहोस्