अत्यावश्यक सेवाका सवारी साधनलाई घरबाटै फारम भरी इ-पास दिने व्यबस्था सुरू

काठमाडौँ, वैशाख १ गते । को’भिड –१९ रोकथाम तथा नियन्त्रणका लागि सरकारले जारी गरेको लकडाउनको समयमा अति आवश्यक सवारी साधन सञ्चालनका लागि इ–पासको व्यवस्था गरिने भएको छ । जिल्ला प्रशासन कार्यालयले आव श्यकताको आधारमा मात्रै इ–पास वितरण गर्नेछ ।

गृह मन्त्रालयले आज मन्त्रालयमा पत्रकार सम्मेलन गरी खाद्यान्न ढुवानी, बिरामी ओसार पसार, श’ववाहन र अन्य अति आवश्यक परेको खण्डमा अनलाइन मार्फत फाराम भरेर सवारी पास लिन सकिने जानकारी दिएको हो। इ–पास लिनका लागि https://epass.moha.gov.np/ मा गएर विवरण भर्नुपर्ने हुन्छ । यो प्रणाली मङ्गलबार देखि शुरु हुनेछ ।

सो सेवाको उद्घाटन गर्दै गृहमन्त्री रामबहादुर थापाले जनताको अति आवश्यक कामको सुविधाका लागि सरकारले सवारी पास वितरण प्रक्रियालाई नयाँ प्रणालीबाट शुरु गरेको जानकारी दिनुभयो। मन्त्री थापाले फाराम भर्ने सबैलाई भन्दा पनि प्राप्त प्रमाणका आधार मा नदिई नहुने व्यक्तिलाई मात्रै सवारी सञ्चालनका लागि इ–पासको व्यवस्था गर्न प्रमुख जिल्ला अधिकारीलाई निर्देशन दिनुभयो ।

प्रतिक्रिया दिनुहोस्