बाटोमा हिडिरहेका ९० मजदुरलाई श्रीनगरमा खाना

सल्यान,७ बैशाख। लक डाउनका समयमा विभिन्न ठाउँबाट घर हिडेका ९० मजदुरहरूलार्इ सल्यान श्रीनगरमा खाना खुवाएर सम्बन्धीत क्षेत्रमा पठाइएको छ। शुक्रबार दाङबाट कपुरकोटमा पुगेर बसेका शनिबार अरिङगाले फेदीसम्म आएका थिए । जसमा सबैभन्दा बढि सल्यानको कुमाख गाउँपालिकाका छन् ।

सल्यान उद्योग वाणिज्यसंघको अर्थिक सहयोगमा सल्यानको श्रीनगरमा रहेका होटल व्यवसायी संघ सल्यान, श्रीनगर बजार व्यवस्थापन समिति, सुनचाँदी व्यवासायी संघ सल्यान, र सल्यान जेसिजको व्यवस्थापनमा आईतबार विहान ९० जनालाई खाना खुवाइएको हो।

उक्त गाउँपालिकाका मात्रै ३३ जना रहेको र उनिहरूलाइर् कुमाख गाउँपालिकाले गाडिको व्यवस्था गरेको छ भने अन्य स्थानका बासिन्दाले स्वयम गाडि बुकिङ गरेर पठाएको संघका बाणिज्य उपाध्यक्ष दीपक बोहराले जानकारी दिए। त्यस्तै जाजरकोटको नलगाडका १९ जना, रूकुम बाँफिकोटका १ जना, सिद्धकुमाखका ११, शारदा नगरपालिका १९ र बागचौरका ७ जना रहेका छन । उनी सबै जनालाई आजै सम्बन्धित ठाउँमा पठाइएको छ।

प्रतिक्रिया दिनुहोस्