ज्यालादारी श्रमिकका लागि विशेष प्याकेज ल्याउनुपर्छ : अध्यक्ष दाहाल

काठमाडौं, १९ वैशाख । नेपाल कम्युनिष्ट पार्टी (नेकपा) का अध्यक्ष एवं पूर्व प्रधानमन्त्री पुष्पकमल दाहाल ‘प्रचण्ड’ ले १३१ औँ अन्तर्राष्ट्रिय श्रमिक दिवसका अवसरमा स्वदेश तथा विदेशमा रहनुभएका सम्पूर्ण श्रमजीवीलाई शुभकामना व्यक्त गर्नुभएकाे छ।

विश्वव्यापी महामारीका रुपमा देखा परेको को’भिड–१९ नामक घा;तक भाइ’रसको सामना गर्न सिङ्गो विश्व नै संघर्षरत रहेका कारण अहिले संसारभरका श्रमजीवि मजदुरहरुको रोजगारी गुमिरहेको उहाँकाे भनाइ छ । ‘दैनिक ज्याला गरेर जीविकोपार्जन गर्नुपर्ने राज धानी लगायतका विभिन्न सहरमा रहेका निम्न वर्गीय श्रमजीवी जनताको खाद्यान्न लगायतको व्यवस्थापनमा आवश्यक राहत र विशेष सहयोगको प्याकेज निर्माण गर्न म सरकारको विशेष ध्यानाकर्षण गराउँदछु।’

जारी शुभकामना सन्देशमा भनिएको छ । उहाँले देशका विभिन्न भागहरुबाट आ–आफ्नो घर फर्किने क्रममा अलपत्र परेका मजदुर र अन्य जन–समुदायलाई सुरक्षितरुपमा गन्तव्यमा पुर्‍याउनु सबैकाे कर्तव्य रहेकाे बताउनु भएकाे छ। आज १३१ औँ अन्तर्राष्ट्रिय श्रमिक दिवसका अवसरमा शुभकामना दिदै यस्तो बताउनु भएको हो ।

प्रतिक्रिया दिनुहोस्