बाढीले होटलको छतमा फसेका दुई युवाको यसरी गरियो हेलिकोप्टरबाट उद्धार (भिडियो)

काठमाडौं : मेलम्चीको होटल रोजको छ्तमा दुईजना युवाहरु उद्वारको लागि गुहार मागिरहेका थिए। उक्त होटलको छतमात्र देखिन्छ । साथै, होटलको वरिपरि खोलाले घेरेको हुनाले तत्काल हेलिकप्टरबाट उद्वार गरिएको छ । मङ्गलबारदेखि अविरल रुपमा परेको बर्षाले सिन्धुपाल्चोकमा ५० जनाभन्दा बढी बेपत्ता भएको स्वास्थ्य तथा जनसंख्या मन्त्री शेरबहादुर तामाङले बताएका छन् ।

फेसबुकमा बाढीले क्षतविक्षत बनाएका केही तस्विरहरु राख्दै तामाङले लेखेका छन् । “मेलम्ची र ईन्द्रावती नदीमा आएको भिषण बाढीले ५० औँ जना बेपत्ता भएको, मेलम्ची खानेपानी ड्याम समाप्त गरेको, तिम्बु बजार, चनौटे बजार, तालामाराङ बजार, मेलम्ची बजार, क्षतबिक्षत बनाएको छ ।” उनले नदी किनाराका सम्पूर्ण संरचना ध्वस्त भएर अरबौँको क्षति पुगेको बताएका छन् ।

बाढी र पहिरोलले सिन्धुपाल्चोकको नाकोते पूल, तिम्बु पूल, फट्टे पूल, मेलम्ची पूल, बाहुनेपाटी पूल, ढाँडखोला पूल बगाएको छ। उनले यो प्राकृतिक बिपत्तिमा सबैलाई संयमता पूर्वक उद्दार र राहातमा जुटन हार्दिक अपिल गरेका छन्। उनले अन्तराष्ट्रिय समुदाय सँग पनि सहयोग गर्नको लागि अपिल गरेका छन् । मन्त्री तामाङले बाढी पहिरोले क्षति गरेका वस्तीमा आजै टेन्ट र खाद्यान्न वितरण गरिने जनाएका छन् । भिडीयो यहाँ लिंकमा छ

प्रतिक्रिया दिनुहोस्